රදළ සැමියෙකුට එරෙහිව

දඩබ්බරි මේ ලගදි කියවපු පොතක් තමයි මේ තියෙන්නේ.සමහරවිට ඔයාල මේ පොත කියවලත් ඇති.නැතුවත් ඇති.නොකියවපු අයට කියවන්න තරම් වටිනා පොතක්.පුරුෂාධිපත්‍යයට එරෙහිව නැගී සිටි මුස්ලිම් කාන්තාවකගේ සත්‍යය කතාවක් තමයි මේක.

දඩබ්බරි කියෙව්වෙ නම් සිංහල පරිවර්තනය...

වසර 13ක් තමන්ගේ පවුල රැකගන්න නිහඬව ඉදල Tehmina Durrani අන්තිමට තමන්ගේ කතාව අලලා මේ පොත ලියනවා.ඇය වින්ද වද වේදනා  දඩබ්බරිව සලිත කරපු  නිසා පද වැල් දෙක තුනක් මෙහෙම ලියවුනා....

" ආදරය වයිරය
සම සමව කැටි කර
ජීවිතය පදම් කර
බියකරුම සිහිනෙක
දවටවා මගේ ලොවම
දරාගත් නිහඬවම
විළි වැසූ සිංහ නිරුවත....

කුටුම්බය නිසා මම
මහා මෙරක් දුක කන්ද
ඉසිලූ ඒ තෙලෙස් වස
නිහඬ කර සියොලඟම
දවා ගිය සැඩ ගින්න
තවත් වෙර නැහැ
නිහඬ කරනට....

ආගමෙන් දෑස් බැඳ
පර්දාව පිටුපසට කර
ගැහැණු යදමින් බැඳ
කරන නොපහත්කම්
මෑත් කර කළු සේල
නගා හඬ උස්ව
ලොවක් අභිමුව කියාලන්නට
වසත් කාලය
පැමිණ දැන් ඇත.... "